Сафири Ӯзбекистон дар  Тоҷикистон Шоҳқосим Шоҳисломов,  зимни нишасти матбуотӣ гуфт, ки  вилояти Сурхондарёи Ӯзбекистон ва аз  нерӯи  барқи  Тоҷикистон  истифода мекарду вилояти Суғди Тоҷикистон аз барқи Ӯзбекистон. Ин  доду гирифт  ба манфиати тарафайн буд ва   имрӯз  ба ин ниёз намондааст.

Шаҳрванди Тоҷикистон дар Ижевск  барои фуруши  маводи мухаддир дастгир  шуд.  Дар ин  бора  сомонаи  TojNews такя ба хабаргузории РИА НОВОСТИ иттилоъ додааст.
Мувоиқи иттилое ки ба кормандони ҳифзи ҳуқуқи ин кишвар  расидааст ин шахс  ба фурӯши  миқдори зиёди героин  машғул  буда  дар таҳти назорат будааст.   

-Акаев

Мақомти хадамоти махсуси кишвар  тақозо намуд, ки аз хонаи  собиқ президенти Қирғизистон Аскар Ақаев, ки дар маркази Бишкек ҷойгир аст,  дар  мӯҳлати як рӯз чизу чораи шахсии Аскар Ақаевро  бароварда, биноро  холӣ кунанд.
Бояд ёдовар  шуд, ки 15 сентябри  соли равон  Китобхонаи  собиқ президент ба моликияти давлатӣ гузаронида шуда буд.
Ба гуфтаи Аскар Ақаев  ҳамаи ин фармоиши сиёсии президент Боқиев буда, натиҷаи он аст,ки дар кишвар имрӯз бесарусомонӣ ҳукмрон мебошад.

Созмони байналмилалӣ оид  ба  назорати силоҳи ядроӣ маърӯзаи норизоии худро  дар  бораи  Эрон  ва сарвари ин кишвар  интишор намуд.
Сабаби норизогӣ  дар он  будааст, ки  Эрон ҳафт  сол боз нақшаи сохтмони  корхонаи  маъданро, ки  дар  наздикии шаҳри Қум воқеъ аст, махфӣ доштааст. Гарчанде   Теҳрон барои тафтиши нуқтаҳои  гумонбаршудаи истеҳсоли силоҳи ядроӣ дар ҳудуди кишвар  иҷоза дод, вале созмони байналмилалӣ ҳамоно аз  ҳадафи барномаи ядроии эронӣ  шубҳа дорад.

Прокурори қисмати ҷанубии Нью-Йорки Иёлоти Муттаҳидаи Амрико  Прит Бхарара барои  ҳабси 4 масҷид ва  бинои 36 ошёна, ки ба ҷамоати  Исломии Alavi Foundation  марбут шинохта шудааст бо як аризаи шикоятӣ ба суди  федералии ин кишвар муроҷиат намудааст. Ба навиштаи прокурор, ҷамоати номбурда созмони ҷамъиятии ғайридавлатӣ набуда ҳукумати Эронро барои  пешбурдани ақидаҳо маблағгузорӣ мекардааст. Дар ҳамин ҳол  мақомоти ҳифзи  ҳуқуқи Амрико мегӯянд, кормандони Alavi Foundation суде ки дар шаҳри Ню-Йорк  ба даст меоранд ба воситаи ширкати Assa Corporation ба бонки Миллӣ-и эронӣ интиқол медоданд.

Раҳматулло Зоиров, раиси Ҳизби сотсиал-демократи Тоҷикистон, пешниҳод дорад, то замони интихоботи порлумонии кишвар аз моҳи феврал ба баҳор гузаронида шавад.
Раҳматулло Зоиров, пешвои сотсиал-демократҳои Тоҷикистон ба Радиои Озодӣ гуфт, замоне, ки барои интихоботи порлумонӣ интихоб шудааст, номувофиқ мебошад ва сардиҳои зимистон ва мушкилот бо барқ омодагиҳои аҳзоб ба интихоботро баҳам мезанад.

27-уми октябри соли 2009 нимаи дуюми рӯз бо иштироки Президенти Ҷумҳурии Тоҷикистон Эмомалӣ Раҳмон дар ноҳияи Нуробод боз як пули калони дигар мавриди истифода қарор гирифт.
Зимни сӯҳбат бо роҳсозон маълум шуд, ки ин яке аз чордаҳ пулҳои хурду бузург аст, ки дар чаҳорчӯби марҳилаи дуюми сохтмон ва навсозии шоҳроҳи мошингарди Душанбе-Рашт-Ҷиргатол-Саритош бунёд меёбад.