Тоҷикистон  давлати демократию ҳуқуқбунёд ва соҳибихтиёр буда,  шакли идории ҷумҳуриявӣ дорад,  ки поягузори усулҳои демократия  мебошад. Суботи кори давлатро фаъолияти босамари  ҳокимияти иҷроия таҳким мебахшад.  Президенти Ҷумҳурии Тоҷикистон  Сарвари давлат ва кафили Конститутсияи Ҷумҳурии Тоҷикистон буда, фаъолияти ҳамоҳангшудаи мақомоти давлатиро дар тамоми сатҳҳо таъмин мекунад.

Ҳоло ҳам бемории сироятии коронавирус  дар олам доман паҳн кардан дорад. Барои дастболо шудан ба ин вирус дар кишвар Ситоди ҷумҳуриявӣ амал мекунад. Оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории коронавируси COVID – 19 дар шаҳру навоҳии кишвар чораҳои зарурӣ роҳандозӣ гардидааст.

Вақте мо дар фазои амну осоиш Рӯзи Парчами давлатиро ҷашн мегирем ва онро бо ифтихор болои сар мебардорем, хотироти ҳар нафар ба таърихи парчамдорӣ, бахусус лаҳзаҳои қабули Парчами давлати соҳибистиқлоламон меравад, ки дар айёми нобасомониҳо иттифоқ афтода буд. Агар Иҷлосияи таърихии шонздаҳуми Шӯрои Олии Ҷумҳурии Тоҷикистон, бо қабули қарорҳои санҷидашудааш дар таърихи давлатдории мо нақши сарнавиштсоз дорад, тасдиқ ва қабули Парчами давлатӣ дар ин анҷумани саодатофар аҳамияти таърихии онро боз ҳам меафзояд.

Боиси ифтихори ҳар як шаҳрванди Ватани маҳбубамон мебошад, ки маҳз бо пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси тантанавӣ бахшида ба 15-умин солгарди Конститутсияи Ҷумҳурии Тоҷикистон, моҳи ноябри соли 2009 ҳамасола дар кишвари соҳибистиқлоли мо бисту чоруми ноябр Рӯзи Парчами давлатии Ҷумҳурии Тоҷикистон ҷашн гирифта мешавад.

Дар таърихи халқи тоҷик афрохтани парчам ҳамчун рамзи барҳам задани пояи ҷабру бедодӣ, натиҷаи талошу мубориза баҳри ба даст овардани озодиву истиқлол ва нишони қудрату тавоноӣ арзёбӣ мешавад. Тасвири уқоб дар дирафши Куруши Кабир чун рамзи давлати неруманд ва дирафши Кова нишоне аз талошу мубориза ва ҷоннисориҳои ниёгони мо баҳри озодист.