Хабар

Чанде пеш ҳайати вакилони Маҷлиси Олии Ҷумҳурии Тоҷикистон дар доираи муносибатҳои байнипарлумонии Тоҷикистону Туркия бо роҳбарии  муовини раиси кумитаи Маҷлиси намояндагон оид ба энергетика, саноат, сохтмон ва коммуникатсия Баҳром Абдуалимов бо даъвати ҷониби Туркия дар шаҳри Анқара қарор доштанд.

Суди шаҳри Душанбе шаҳрванд Азиз Холматовро дар содир намудани ҷиноятҳои дар моддаҳои  3071 қисми 3 банди “б”, 3073 қисми 2 ва 32 қисми 1 - 4011 Кодекси ҷиноятии Ҷумҳурии Тоҷикистон айбдор дониста, ӯро 13 сол аз озодӣ маҳрум кард. 

Дар партави ҳидоятҳои созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба дастгирии қишри ниёзманди аҳолӣ ва анҷом додани корҳои хайру савоб сархатиби ноҳияи Хуросон Одилхон Муъминов тасмим гирифтааст, ки дар деҳаи Баҳористони ҳамин ноҳия як бунгоҳи тиббии ҳозиразамонро бо харҷи 60 ҳазор сомонӣ сохта, мавриди баҳрабардорӣ қарор диҳад.

Имрӯз беш аз ҳарвақта зарур аст, ки тамоми саъю кӯшишро ба он равона созем, ки шомилшавии ҷавонон ба гурӯҳҳои ифротӣ пешгирӣ гардад ва ҳам тавонем онҳоро ба вусъати корҳои ободониву созандагӣ, ҳифзи дастовардҳои даврони соҳибистиқлолӣ талқин намоем.

14-уми март дар Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон семинари машваратӣ бо ҷалби намояндаи Маркази исломшиносӣ дар назди Президенти Ҷумҳурии Тоҷикистон, Намояндагии созмони байналхалқии Институти инъикоси ҷанг ва сулҳ дар Тоҷикистон, мудирони бахши дин, танзими анъана ва ҷашну маросими мақомоти иҷроияи ҳокимияти давлатӣ ва намояндагони ташкилотҳои динии ғайриисломии шаҳрҳои Душанбе, Турсунзода, Ҳисор ва Ваҳдат баргузор гардид.

13-уми март кормандони Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ба шанбегӣ баромада, ҷиҳати оғози бунёди майдончаи варзишӣ дар яке аз гӯшаҳои пойтахт саҳм гузоштанд.

Имрӯз дар Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон дар мавзӯи “Гароиши ҷавонони тоҷик ба ҷараёнҳои ифротӣ дар дохил ва хориҷи кишвар: заминаҳо, омилҳо ва паёмадҳо” ҷамъомад баргузор гардид.

Дар доираи нақшаи чорабиниҳо вобаста ба эълон гардидани солҳои 2019-2021 ҳамчун солҳои рушди деҳот, сайёҳӣ ва ҳунарҳои мардумӣ 28-уми феврал дар Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон бо иштироки муовини Раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода ҷамъомад доир гардид.

Дар Маркази тадқиқоти стратегии назди Президенти Ҷумҳурии Тоҷикистон бо иштироки намояндагони вазорату кумитаҳо ва муассисаҳои марбутаи давлатӣ, марказу пажӯҳишгоҳҳои илмию тадқиқотӣ, донишмандону коршиносон ва кормандони васоити ахбори омма мизи мудаввар дар мавзӯи «Вазъи корҳои маърифатӣ (сиёсию идеологӣ) дар Ҷумҳурии Тоҷикистон: мушкилот ва дурнамо» баргузор гардид.